قلمـ محتااار

بسم الله الرحمن الرحيم

السلام عليكم ورحمة الله وبركاتة


أكتب عن ايه
أكتب عن الحزن
ولا عن الفرح
ولا عن الجرح

..
أكتب عن الغلبان
ولا عن الشقيان
ولا أكتب عن القلقان

.
.
أكتب عن ايه
اكتب عن الخير
ولا عن الشر
ولا عن الفقر

.
اكتب عن رغيف العيش
ولا عن الى مش عارف يعيش

اكتب عن السعاده
ولا عن الناس التعبانه
اكتب عن الميه المعدنيه
ولا عن الى مش لاقى البطانيه

.
أكتب عن ايه ؟
أكتب عن البطاله
ولا عن الناس الفطصانه
أكتب عن الشباب العطلانه
ولا عن الى جيوبهم مليانه

.
أكتب عن ايه
أكتب عن العنوسه
ولا عن الى مش لاقى العروسه

هتقولى البنات كتير
وعلى قفى مين يشيل
هقولك ومين يرضى بالقليل ؟

ولا أقولك أكتب عن التحرش
ولا عن الى ف دماغوا بيهرش
أكتب عن الصحاب
ولا كلهم بقوا زى الذئاب

خلاص أنا هكتب عن الصديق
الى يسيبك ف وقت الضيق
ولا اكتب عن النوادى
الى بجد فيها بلاوى
ولا اكتب عن القهاوى
لا دى للشاب الفاضى

.
انا هكتب عن المهم
والى ماليه الهم
والى مشاكلوا ما تتلم

ولا أكتب عن البنات
الى براآ بيت أبوها بتبآت
ولا عن البنات المتنوعه
الى ماشيه ف الشارع متلوعه
ولا أكتب عن الشباب والبنات
الى مقضيينها ع النت شات

.

أكتب عن ايه؟
أكتب عن النآس
الى يا عيني بتندآس
ولا عن الناآس
الى بتتشآل فوق الرآس
ولا عن النآس
الى مآسكه الفآس

..
أكتب عن آيه ؟
أكتب عن الى مآت
ولا عن الى عآش
ولا عن الى ف الأنعآش

أكتب عن الغريب
ولا عن القريب
ولا عن البعيد
وف القلب قريب
أكتب عن الى رآح
والى عن الى فآت
ولا أقولك الى فات فات
ومحدش فينا مآت
.

أكتب عن ايه ؟
أكتب عن الفلوس
الى بتطمع النفوس
ولا عن المسآجين
الى أكيد فيهم مظلومين
ولا أكتب عن الشحاتين
الى همه معاهم ملاييين!
ولا عن الشحاتين
الى همه بجد محتاجين

.

أكتب عن ايه ؟
أكتب عن الموضه
الى هيه بجد أكبرر عيبه
أنا هكتب عن الأفلام
الى هيه حاجه تمام
دا كل حاجه فيها بقت بتبان
المشكله مش ف الأفلام
العيب ع الثقافه والأعلام
ليه كدا يا عم الأعلام
بتعلم شبابنا الأدمان
وكمان بتعلمهم الأجرآم
ليه كدا بس يا عم الأعلام
بتعلم بناتنا الكلام
الى هوه بجد عيب انوا يتقال
العيب ف الى بيسمع ولا ف الأفلام ؟

.
أكتب عن ايه
اكتب عن الشباب التعبان
دا كل حاجه قدالموا بقت بتبان
ولا اكتب عن الأسعار
الى هيه بجد ولعت نآر
الناس مش عارفه تجيب كيلوا خضآر


انا هكتب عن اللحمه
عليها طابور وكمان زحمه
وياكلها يا عيني الفقير
وعارف انوا ممكن يكون
فيها انفلونزا الخنآزير

.
أكتب عن ايه ؟
اكتب عن المخدرآت
الى بتتباع عادى ف الصيدليات
ولا عن الخمور الفاسده
الى بتتباع عادى ف الأماكن العآمه
ولا أكتب عن السلاح النآرى
الى بيتباع علنى غ الحوآري

.
أكتب عن ايه؟
أكتب عن المحترمين
الى همه بجد قليلين
ولا عن الطيبين
الى همه مش موجودين
ولا عن الديابه
الى بتاكل ف البنى أدمين


اكتب عن الفلل والقصور
الى ماليها العنكبوت
ولا أكتب عن البيوت
الى بتوقع على الناس وبتموت


أكتب عن الحوآدث
ولا عن الكوآرث
أكتب عن الحرآميه
ولا عن الباطجيه


.

أكتب عن ايه
أكتب عن الزمن
ولا عن الى منك يبيعك
ومن غير تمن


.
.
أنا هكتب عن الصعيد

الرجاله الى قلبها حديد
الى بتعرف الأصول
وغير الحق ما بتقول
أكتب عن بحرى ؟
ولا عن قبلى



.


..

أكتب عن ايه ؟
أكتب عن المدآرس
ولا عن الجآمعات
ولا عن الى بيحصل ف الحمامات !!!
أكتب عن الطفوله
الى بقيت بجد حاجه مش معقوله


أنا هكتب عن الغربه
الى هيه بجد حاجه صعبه


..

أكتب عن ايه ؟

أكتب عن الحب والهيام
وعن العيون الى مش بتبان
ولا عن العشق والغرام
وعن الى يا عيني قلبوا حيران
وطول الليل سهرآن


أكتب عن الخيانه
ولا عن الى مش بيصون الأمانه
.
.
.

أكتب عن ايه ؟
أكتب عن الى مش لاقيله قوت
ولا عن الى عايش من سكوت
والى من كتير المآسى
نفسوا يتغطى ويموت

اكتب عن الى مش لاقى الوظيفه
ولا عن الى مش لاقي المهيه
ويندبوا يا عيني زى الوليه!!


أكتب عن ايه ؟

أكتب عن الى همه من جبال
يتشتم ويرضى
أصلوا عندوا كوم عيال

أكتب عن الى الناس
الى مساكنها القبور
نمل عايش بين جحور
كل أحلامهم بسيطه
مش كريم ولا علبه بخور !!
ولا حتى يسكنوا ف قصور
الرفآهيه تغووووووور
بس عايزين قوت يوميهم
والحياه تمشى بسرور

.
.
.


أكتب عن ايه ؟
أكتب عن صاحبى محمود ؟
الى هوه مش موجود
بس وربى ف قلبى موجود
وحشنى ياض يا زقزوق
بتمنى أشوفك على فوق

.

انا هكتب عن الفنان
صاحبى محمد عليان
دا اخويا وحبيبى من زمان
صوتوا أجمل من الكروآن
بس مش عارف ازاى يبان
ربنا يوفقك يا فنان
ويوقف جمبك اولاد الحلال


.

أكتب عن أخويا
أبن أمى وأبويا
ولا عن أمى
الى خدها القدر منى
لو كتبت عنها
دموعى هتنزل غصب عنى
..
..
..
انا هكتب عن حزنى
الى هوه جزء منى


..

..

أكتب عن ايه
أكتب عن قلمي
الى هوه بس
ف حياتي هيدوملى
والى هوه
اقرب ليا من نفسي

..

..

..

خلاص انا عرفت هكتب عن ايه
انا هكتب عن أجمل دين
الى علمنا إزاآآآآآآآآآآآآآآآآي
نمشى على الصرآط المستقيم
انا هكتب عن الأسلام
الى هوه دين الأمن والأمان
دين السلام والأطمئنان
دا ربنا هوه الرحمن
ورسولنا خاتم الأنبياء والمرسلين
وربنا أرسلوا رحمه للعالمين
ولوكتبت عنوا
واتكلمت عنوا
ومش هيكفينى ورق البنى أدمين
دا فدآه


أروآحنا

وأولادنا

وأبآئنا

وأمهاتنا

وأموالنا

وحياتنا


اللهم صلى وسلم وبآرك على سيدي وحبيبى ونور قلبي

محمد صلى الله عليه وسلم

طب القلوب و دوائها و عافية الأبدان و شفائها و نور الأبصار و ضيائها

..
..

..

..

..

..

..

..

ف الختآم

انا بعتذر طبعاً على الأطاله
وبعتذر لو كان فيه كلام كدا ولا كدا
لان بجد يعني هيه دى الحقيقه المره
وهيه دى الدنيا الى عايشين فيها

وبتمنى يعجبكوا
وتقبلوا منى أجمل تحيه
والسلام عليكم





منقولـ

بجــــــــــد مــوضع تحفــه

نورتيــ