عجبي عليك يا ابن ادم يا كبير الدار
قومت الدنيا وما قعدت لما قالولك حمار
هو اسمي شتيم ولا جسمي عار
خلقني ربي وخلقك ولا حدش له خيار
وانا مهما زاد الحمل فوقي صابر مهما طال المشوار
لا فيه يوم اقول اشمعني اخويا واخد منه تار
ولا يوم ابص لرزق غيري واطق منه واغار
ولا فيه في يوم حمار بيحاول الأنتحار
ولا ارفع في يوم عيني علي جارتي واصون الجار
ولا مهر ادفع لحمارتي ولا شبكه ولا سوار
ولا شقه اجمع في تمنها ولا اجهزة دار
ولا حرمي حامل تتوحم عايزه الكافيار
ولا بنت تخرج عن طوعي و تجيب العار
ولا ابن يدمن ويهلوس ويقع ينهار
عايش في حالي متهني وليا افكار
باكل وبشرب وانهق مفيش اسرار
وعندي ابن ادم يخدمني ليل ونهار
ان جعت يشتري برسيم بأغلي الأسعار
وفي مرضي يفضل يعالجني ويدعي الستار
خادم امين من غير راتب ولا حتي ايجار
والحين عرفت يا ابن ادم ........مين فينا الحمـــــــــــــــــــــــــــــار؟
الخميس أبريل 08, 2010 12:33 pm
الموقع
